بۆ جەمیل
جەمیل ئەی نەونەمامی پڕ شکۆفەی مێرغوزاری دڵ
جەمیل ئەی رەونەقی چەمەن، شاگوڵی لالەزاری دڵ
ئەی بە بۆنت موعەتتەر گوڵ، ئەی بە باست موفتەخەر جان
ئەی بە رەنگت موزەییەن هەر بیابانی بەیاری دڵ
بە شەمعی رووت مونەووەر هەر مەجلیس و مەحفەل و دیوان
بە شەمسی باوەرت مەعدووم شکوکی شەوی تاری دڵ
فەساحەت شەرمەزارە لە تەعابیری زمانی تۆ
کەلامت پەندی دانایە، نەوات نەغمەی هەزاری دڵ
دەستی خیلقەت چون دەستی تۆ مەحاڵە دی موسەووەر کا
کە نەخش و خەتت و خاڵی تۆ شەهیری شەهریاری دڵ
لە ئەو مەغزی بچووک هەڵدێ هەزاران فیکری بیکر و فەن
عولەما مات موشتاقن لە عیجزی شاهکاری دڵ
جەماڵت ئایەتی کەماڵ کەماڵت موجمەلە ئەمما
بە بێ ناصح فەنایی بێ سەلاحی کەسب و کاری دڵ
1991
***
بۆ سەلاح
تەعریفی جەمیڵ سەد ئەوەندە جوان
ژیری و هونەر و ئەدەب و ئیمان
هێشتا یەک قەترەن لە دەریای ئەوساف
بۆ سەلاحی دڵ، بۆ سەلاحی گیان
***
Nasih Othman ------- د. ناصح قهرهداغى 