وەرگێران لە فارسییەوە: شیعری محەمەد زوهەری

حەیف و سەد حەیف کە لەم باخە

تامی میوەی جاران شیرین

بۆنی گوڵی جاران دڵگیر

لەتوێی باخچەی یادگارا قەتیس ماوە

با ئەناڵێنێ و ئەپرسێ:

-” کوانێ گوڵ و میوەی ئەم باخە گەورەیە؟”

منی ژاکاو ، تەنیای زستان

رەگەکانم چاوەڕێی شیلەی زەمینن

لقەکانم تینووی هەتاوی بەهارن

باوەڕ باکەم بەڵام ئەشڵێم

-“چارە نیە با سەبر کەین

هەر کەژاوەی پیرۆزی ئەم ژیان بەصشە

ئەگاتە جێ،

کە ئاو مایەی میوە و گوڵە.”

***

ئاخ ئەبێ هەر چاوەڕوان بین

هیوایەکە لەسەر پەردەی رەنگ نووسراوە

حەیف و سەد حەیف

کەساڵ دیت و ساڵ دەگەڕێ

بەڵام ئەم باخە گەورەیە

شۆرەکاتە

وەکوو دڵی سووتاوی من بێ گەڵایە

وەکوو دڵی سووتاوەی من بێ میوەیە!

***