وەرگێران لە فارسییەوە: شیعری  نادر نادرپوور

ئەی ژیان ئەگەر دوا فێڵت نەبووا

ئێستا هەزار جار بەجێم هێشتبووی

پێش ئەوەی دیسان بانگم کەیتەوە

لەبەر پێی مەرگا فیدام کردبووی

هەر کە ویستوومە هیوات لێ ببڕم

کۆشی گەرمی خۆت بۆ کردوومەوە

هەرچی زانیومە هەمووشی فێڵە

بەڵام سەد جادووت تیا شاردوونەوە

غەیری ئەم فێڵە هیچت پێ نیە

بەڵام بەسەد ڕەنگ پۆششی ئەدەی

کە لەشەو و ڕۆژت بێدار ئەبم

جا ئەو بانگ ئەکەی دەستەمۆم بکەی

رۆژێ پەچەی ئیشق ئەخەیتە سەر ڕووی

تا نووری هیوا باوێتە سەرم

رۆژێ غرووری شیعر و هونەرە

تا خۆم هەڵکێشم بڵێم شاعیرم

بەدوای ئەم فێڵا ئیجگار دواکەوتووم

چیتر نابەصشم بیانووی گوناهم

ئەی ژین درێغ گەر وازت لێ بێنم

پەنا بۆ دوا فێڵی خۆت ئەهێنم

***